(( الغيرة من الغيرة ))
________________
من يغار أعليچ آدم
غيرته مو عن بطر
دمه بعروگه يتطافر
چنه قابض عالجمر
سمعي يا حواء مني
ومنچ انطيه العذر
نص صريح من الرسول
اتفكري بحلم وصبر
غيرته ايمان لكن
غيرتچ كفر بكفر
لأن ناموس الطبيعة
وي الشرع گدر بگدر
شرع من رب الجلالة
منزل بآية طهر
ينكح شما طاب وضعه
بلايه آثام أو وزر
مثنى وثلاث ورباع
دون إسفاف وهدر
وشرط يعدل اذا يجمع
وأذا قصر ينوزر
وكون عنده أسبابه حقه
لا ملامة ولا هجر
لا هواية ولا غواية
مزاود بلحظة غمر
وإذا أنصف كون گدها
حال ، مال ، ومقتدر
واذا ما أنصف جريمة
وذنب بي جور وكدر
الشراكة أتريد همة
حساب ، وكتاب ، وستر
وحسن معشر دوم باقي
مستمر ما ينفتر
مثل فلاح وي زرعه
يداري ، يشتل ، ينتظر
گاع عنده ولون يزرع
لازم يداري ويدر
يعدل بمحراث زرعه
بالسگاية وبالبذر
نبتة نبتة يباري بيهن
حتى يشتد الجذر
ذني من ضمن الشروط
والعدل أعظم ذخر
واذا صعبة اعليه يجمع
يستچن اعلى الوتر
ويبقى من حقه يغار
شما طعن بيه العمر
انتي ذمتة وذمة كلفة
تبقى ويا للگبر
وياچ حده ، حساب عدة
عينه ما تغمض نطر
لبوته ويحرص عليها
الليث يخلس لو زأر
أذن صيري الوتد انتي
لخيمته وهو الخدر
وأرضي رب العرش بيه
والتبعل بي فخر
مركب الدنيا يسير
يمد شراعه بكل كتر
وتاخذ وتنطي الحياة
كالبحر مد وجزر
أحمد إبراهيم الربيعي
ليست هناك تعليقات:
إرسال تعليق